TMZ xodimlari 3-5 sentyabr kunlari Qozog’istonning Olmota shahrida bo’lib o’tgan KazBuild 2024 ko’rgazmasida ishtirok etishdi. Ko’rgazma davomida mijozlar bilan uchrashib, tajriba almashishdi va hamkorlik istiqbollarini muhokama qilishdi. KazBuild – bu mintaqadagi eng yirik qurilish ko’rgazmalaridan biri bo’lib, unda eng so’nggi texnologiyalar va qurilish sohasidagi materiallar namoyish etiladi. Ushbu ko’rgazmada ishtirok etish bizning hamkorlar bilan aloqalarni mustahkamlash va biznes imkoniyatlarimizni kengaytirishga xizmat qiladi.
Bir maqsadda bajarilgan ish insonlarni o’zaro birlashtiradi!
TMZ jamoasi O‘zbekiston mustaqilligining 33 yilligini nishonlashga puxta tayyorgarlik ko‘rish, shuningdek, mamlakat ko’chalari va tumanlarini obodonlashtirish maqsadida “Obod mahalla – obod yurt” shiori ostida o‘tkazilgan umumxalq xayriya hasharida ishtirok etdi.
Xashar – bu odamlarni birlashtirib, ularda mehr-oqibat, ko’ngilchanlik, o‘zaro yordam, qiyinchilikda hamjihatlik kabi fazilatlarni mustahkamlovchi, ularni birgalikda yengib o‘tish kabi ezgu an’analardan biridir.
Ahil mehnatdan so‘ng o‘zgargan zavod hududini obodonlashtirish va ko‘kalamzorlashtirish ishlarini hamma olib bordi, chunki har kim o‘z hissasini qo‘shdi.
Shunchaki ajoyib kun! Toza havo, ajoyib iqlim va quvnoq kayfiyat barchaga foyda keltirdi, chunki norasmiy muhitda muloqot jamoani birlashtiradi va uni yanada mustahkamlaydi.
Barcha ishtirokchilarga o’z minnatdorchiligimizni va eng yaxshi tilaklarimizni izhor qilamiz!
TMZda qo‘shimcha temir yo‘l tarmog’i ishga tushirildi.
“O‘zbekiston Respublikasi temir yo‘l transporti xodimlari kuni” bayrami arafasida TMZda qo‘shimcha 40 ta vagonni joylashtirish imkonini beruvchi qo‘shimcha temir yo‘l tarmog’i (uzunligi 650 m) ishga tushirildi. TMZ temir yo’llarining umumiy uzunligi 4 km dan ortiq bo’lib, u bir vaqtning o’zida 120 ta vagonni sig’dira oladi. Bu Korxonaga temir yo‘llarni ijaraga olish uchun mablag‘larni (700,0 mln.so‘mdan ortiq) sezilarli darajada tejash, yuk tashish vaqtini qisqartirish, vagonlar aylanmasini oshirish va zavod hududida vagonlarning to‘xtab qolishi vaqtini qisqartirish imkonini beradi.
Ko‘rilgan chora-tadbirlar temir yo‘l xo’jaligi bo’limi xodimlariga iyul oyida rekord muddatda issiq holda yoyilgan rulonlar yuklangan vagonlarni tezkorlik bilan qabul qilish, ularga ishlov berish va tushirishdan so‘ng jo‘natish imkonini berdi.
“Sergeli temir yo‘l qurilish servis” MChJ xodimlariga o‘z vaqtida va sifatli bajarilgan ishlar uchun samimiy minnatdorchiligimizni bildiramiz.
Fursatdan foydalanib, barcha temiryo‘lchilarni kasb bayramlari bilan chin qalbdan tabriklaymiz. Biz ushbu soha vakillariga chuqur hurmat-ehtiromimizni bildirib, ularga mustahkam sog‘lik va farovonlik, ravon yo‘llar va yuqori tezlik tilaymiz. Barcha tashabbuslaringiz uchun svetoforning yashil chirog’i yonib tursin, mashaqqatli mehnatingiz nafaqat g’alaba va quvonch olib kelsin!
TMZga XXRdan mehmonlar tashrif buyurishdi
Sanoat turizmi doirasida TMZga XXRdan mehmonlar tashrif buyurishdi. Xitoylik mehmonlar uchun bosh texnolog o‘rinbosari Sh. Fazilov korxona bo‘ylab qiziqarli ekskursiya o‘tkazdi va Sifat bo’yicha direktor T. Dolgopolova akkreditatsiyadan o‘tgan zavod laboratoriyasining imkoniyatlari haqida so’zlab berdi. TMZ mehmonlarimizda unutilmas taassurot qoldirdi.
TMZ ning 2024-yil birinchi yarim yillik faoliyati yakunlari
Asosiy maqsad – oldinga intilish va ishlab chiqarish jarayonlarini mukammallashtirish
Bugun TMZ ning 2024-yil birinchi yarim yillik faoliyati yakunlari muhokamasi boʻlib oʻtdi va u erda Korxona rivojlanishi yo’lida amalga oshirilgan ishlarga ijobiy baho berildi, misol uchun:
• Mahsulot ishlab chiqarish 2023-yilning birinchi yarmiga nisbatan 10 foizga oshgan bo’lsa;
• Mahsulot sotish hajmi 13,8 foizga oshdi;
• Eksport hajmi esa 132 foizga oshdi.
To‘liq quvvatga chiqish va sof foydaga erishish – shu yilning asosiy maqsadidir.
Yig’ilishda TMZni rivojlantirishning istiqbolli yo’nalishlari ham e’lon qilindi:
– tejamkor ishlab chiqarishni joriy etish orqali ishlab chiqarishni optimallashtirish;
– ishlab chiqarishda yangi yechim va qarorlarni qabul qilish;
– kadrlar siyosatining dinamikasi.
Korxona ichida, bo’linmalar o’rtasida kommunikatsiyani yo‘lga qo‘yish va shu bilan samaradorlikni oshirish, qurilmalarning rejasiz to’xtab qolishini va brak mahsulotlarni ishlab chiqarishni kamaytirish orqali ishlab chiqarish unumdorligini oshirish, xodimlar, shu jumladan joydagi rahbarlar uchun yangi turdagi mukofotlash va mukofotdan mahrum qilishninig yangi normativlarini va shartlarini amalda qo‘llash, tejamkor ishlab chiqarish loyihalarini amalga oshirish bo‘yicha yangi yechimlar – bularning barchasi 2024-yilning ikkinchi yarim yilligi uchun ustuvor vazifa qilib belgilandi.
“TMZ shaxmat qiroli 2024”
Shaxmat – bu, o’zida intellektual va mukammal strategiyalarni mujassam qilgan, o’zingiz va raqibingizning harakatlarini tahlil qilishga o’rgatadigan ajoyib o’yin bo’lib, bu erda g’alaba oxiridan bitta oldin xatoga yo’l qo’ygan kishiga beriladi!
Xalqaro shaxmat kuni arafasida, korxonamizda “TMZ shaxmat qiroli 2024” turniri bo‘lib o‘tdi. 7 kun davom etgan turnirda, ishtirokchilar keskin va jiddiy kurash olib borishdi, birma-bir eng yaxshi o’yinchilar saralab borildi. Turnir nafaqat o‘z mahoratini namoyish etish va o‘yin mahoratini oshirish imkonini berdi, balki TMZ xodimlarining shaxmatga bo‘lgan mehrini oshirdi va qiziqishini yanada kuchaytirdi.
Turnir yakunida taqdirlash marosimi bo’lib o’tdi, unda xalqaro grossmeyster (GM) – Shamsiddin Vohidov va O‘zbekiston Respublikasi shaxmat federatsiyasi prezidentining birinchi o‘rinbosari – Husan Xudayqulovich Turdialievlar ishtirok etishdi.
“TMZ shaxmat qiroli 2024” turniri g‘oliblariga medal, pul mukofoti va esdalik sovg‘alar topshirildi. So’ngra esda qolarli voqea bo’ldi, Shamsiddin Vohidov “masterklass” ko’rsatib bir vaqtning o’zida bir nechta korxonamiz xodimlari bilan tezkor shaxmat o’yinini o’tkazdi. TMZ ishchilari munosib o’yin ko’rsata olishdi.
Tadbir ko’tarinki kayfiyatda, yuqori saviyada o’tkazildi, barcha ishtirokchilar xursand bo’lishdi va ijobiy taasurotlar bilan “zaryad” olishdi.
TMZ jamoasi turnir g‘olibi bo’lgan – ishlab chiqarish hisobchisi Ismat Rahmonov, hamda ikkinchi o‘rinni egallagan – GPM uchastkasi ustasi To‘ychiev Xabibulloni chin yurakdan tabriklaydi.
TMZ O‘zbekiston Respublikasi shaxmat federatsiyasiga turnirni o‘tkazishdagi faol ishtiroki va yaqin hamkorligi uchun chuqur minnatdorchilik bildiradi.
“Bank kartalaridan xavfsiz foydalanish qoidalari”
Ichki ishlar vazirligining Kiberxavfsizlik markazi va tuman IIB mas’ul xodimlari tomonidan TMZ xodimlari bilan “Bank kartalaridan xavfsiz foydalanish qoidalari” mavzusida profilaktik yig‘ilish o‘tkazildi.
Ushbu tadbir “O‘zbekiston – 2030” strategiyasini “Yoshlar va tadbirkorlikni qo‘llab-quvvatlash yili”da amalga oshirishga oid Davlat dasturi doirasida 2024-yilga mo‘ljallangan Amaliy chora-tadbirlar rejasi ijrosiga muvofiq o‘tkazildi.
“Fuqarolarning kiberjinoyatlar qurboni boʻlishining oldini olish va fuqarolar oʻrtasida kiberjinoyatchilikka qarshi kurashishda “kibergigiyena”ni rivojlantirish” maqsadida markaz xodimlari tomonidan kiberjinoyatlarning keng tarqalgan turlari haqida maʼlumotlar berildi. Bundan tashqari, bank kartalaridan foydalanishda shaxsiy ma’lumotlar firibgarlarga berilmasligini ta’kidlab, zarur ehtiyot choralarini ko‘rish zarurligi haqida ogohlantirdi.
Bugun TMZ ga Rossiya Federatsiyasi Iqtisodiy rivojlanish vaziri o’rinbosari D.V.Volchava boshchiligidagi rasmiy delegatsiya tashrif buyurdi.
Bugun TMZ ga Rossiya Federatsiyasi Iqtisodiy rivojlanish vaziri o’rinbosari D.V.Volchava boshchiligidagi rasmiy delegatsiya tashrif buyurdi.
Ishlab chiqarish jarayonlari bilan tanishishga alohida e’tibor qaratilib, delegatsiya a’zolari Toshkent metallurgiya zavodining yuqori standarti va zamonaviy texnologiyalarini ta’kidlab, bu darajani yuqori baholadilar. Ushbu uchrashuv ikki davlat o’rtasidagi hamkorlikka yangi sur’at bag’ishlaydi, savdo va iqtisodiyotda o’sish va rivojlanish uchun eshiklarni ochadi
“ECO FEST” 2024
30 aprel kuni TMZ ekologiya muammolari, atrof-muhitning ifloslanishi va kelajak avlod salomatligini mustahkamlash muammolariga befarq bo‘lmagan hamfikrlarni zavod hududida bo‘lib o‘tgan “ECO FEST”ga taklif qildi.
Festival doirasida mehmonlarga “TMZ – yashil korxona” taqdimoti va ishlab chiqarish texnologiyalaridan foydalanib, atrof-muhitga ta’sirini kamaytirgan holda ishlab chiqarish jarayoni chiqindisiz amalga oshirilayotgan zavod bo‘ylab ekskursiya uyushtirildi.
TMZ har yili nafaqat ishlab chiqarish hajmini oshiradi va eksport geografiyasini kengaytiradi, balki atrof-muhitni muhofaza qilish uchun ham sarmoya (5,0 million yevrodan ortiq) kiritadi.
“Yashil Makon” umummilliy loyihasi doirasida korxona hududi va unga tutash hududda 12 500 tup daraxt va buta ko‘chatlari ekildi.
Festival mehmonlari xomashyoni qayta ishlash korxonalari mahsulotlari ko‘rgazmasi bilan tanishib, an’anaviy “Do‘stlik daraxtini ek” aksiyasiga katta mamnuniyat bilan qo‘shilishdi.
“ECO FEST” norasmiy muloqot va fikr almashish maydonchasiga, yangi samarali va barqaror aloqalarni shakllantirish joyiga aylandi va ekologik bilimni va korxonamizda ishlash jozibadorligini oshirdi.
“Yashil” metallurgiya texnologiyalarini rivojlantirish, atrof-muhitga extiyotkorona munosabatda bo‘lish va xodimlarning salomatligi va xavfsizligi to‘g‘risida qayg‘urish Toshkent metallurgiya zavodi uchun ustuvor strategiya bo‘lib kelgan va shunday bo‘lib qoladi.
TMZ jamoasi barcha tadbir ishtirokchilariga festivalni tashkil etishdagi faol ishtiroki, mazmunli muloqoti uchun samimiy minnatdorchiligini izhor qildi va kelgusida samarali hamkorlik qilishga umid bildirishdi!
