25-aprel kuni poytaxtda TMZ hamkorlarining biznes-yig‘ini bo‘lib o‘tdi

25-aprel kuni poytaxtda Toshkent metallurgiya zavodining ishlab chiqarish faoliyati besh yilligi nishonlanishi doirasida hamkorlar biznes-yig‘ini bo‘lib o‘tdi. Tadbirga metallurgiya, metall mahsulotlarini qayta ishlash, qurilish va texnologik uskuna ishlab chiqarish sohalaridagi yaqin va uzoq xorij mamlakatlaridan 50 dan ortiq tadbirkor to‘plandi.Biznes-yig‘in ishtirokchilari zavod bo‘ylab ekskursiya davomida uning ishlab chiqarish quvvatlari, yuqori sifatli yassi metall prokat ishlab chiqarishda qo‘llaniladigan ilg‘or texnologiya bilan tanishdi, fikr va tajriba almashdi.Biznes-yig‘inning muvaffaqiyatli o‘tkazilishi va unda xorijiy metallurgiya sohalari vakillarining ishtiroki ishbilarmon hamkorlar, mijozlar va investorlar tomonidan e’tirof etilgan Toshkent metallurgiya zavodi rivojining barqarorligini tasdiqladi.