Toshkentda TMZ mahsulotlari xaridorlari va qayta ishlovchilari uchun biznes anjumani o‘tkazildi

Toshkentda turli hududlardan 140 dan ortiq ishtirokchini birlashtirgan TMZ biznes anjumani bo‘lib o‘tdi. Mehmonlar hamkorlik masalalarini muhokama qildi va zavod ishlab chiqarish jarayoni bilan tanishdi.
19 iyul kuni Toshkentda Toshkent metallurgiya zavodining ichki bozorga mo‘ljallangan mahsulotlarini qayta ishlovchilar va xaridorlar uchun biznes uchrashuvi bo‘lib o‘tdi. Tadbir O‘zbekistonning turli hududlaridan 140 dan ortiq ishtirokchilarni — qurilish sohasi, qayta ishlash korxonalari, uskunalar ishlab chiqaruvchilar va metall prokati distribyutorlari vakillarini birlashtirdi.
Uchrashuv doirasida mehmonlar TMZ’ning ishlab chiqarish quvvatlari bilan tanishdi, asosiy uchastkalarda, jumladan, ruxlash va polimer qoplama liniyalarida, shuningdek, sifat nazorati laboratoriyasida bo‘ldi. Jarayonlarning texnologikligi, mahsulotlarni sertifikatlash tizimi va xalqaro standartlarni joriy etishga alohida e’tibor qaratildi.
Biznes uchrashuvi TMZ va uning mijozlari o‘rtasida to‘g‘ridan-to‘g‘ri muloqot uchun ochiq platformaga aylandi. Ishtirokchilar hamkorlikning yangi yo‘nalishlarini muhokama qilib, uzoq muddatli sheriklik va qo‘shma rejalashtirish muhimligini ta’kidladi. Mahsulotlar turini ko‘paytirish, qayta aloqa tizimini rivojlantirish, qayta ishlash va savdo kompaniyalari bilan yaqin hamkorlikni yo‘lga qo‘yish masalalariga to‘xtalib o‘tildi.
Tadbirning o‘tkazilishi hamkorlik munosabatlarini mustahkamlashga yordam berdi va bozorning mahalliy metallurgiya mahsulotlariga bo‘lgan barqaror qiziqishini tasdiqladi.