MENYU

Kalit so'z: UZB-m

Toshkent Metallurgiya Zavodi bayonoti

Bir qator ommaviy axborot vositalarida “Toshkent Metallurgiya Zavodi” MChJ (Toshkent metallurgiya zavodi, TMZ, Kompaniya) moliyaviy ahvoli va uning ta’sischilari tarkibidagi o‘zgarishlarga oid nashrlar paydo bo‘lishi munosabati bilan quyidagilarni ma’lum qilamiz:

– Kompaniya ta’sischilari tarkibidagi o’zgarishlar ishlab chiqarish barqarorligiga va kreditorlar oldidagi majburiyatlarni o’z vaqtida bajarish imkoniyatiga ta’sir qilmaydi.

– TMZ qarzdorligi tijorat faoliyati orqali to’lanadi. Davlat Kompaniyaning majburiyatlari bo’yicha javobgar emas.

– Qurilish va ishlab chiqarishni moliyalashtirish uchun kreditlarni jalb qilish yirik korxonalar uchun odatiy holdir.

– TMZ tasdiqlangan rejaga muvofiq, 2026 yildan daromadga kirishni rejalashtirmoqda.

 

Malumot uchun:

2020-yilda ishga tushirilgan Toshkent metallurgiya zavodi O‘zbekistondagi yirik va zamonaviy korxonalardan biridir.

Zavodda import o‘rnini bosuvchi sifatli mahsulotlar – ruxlangan va polimer qoplamali sovuq holda yoyilgan po’lat prokat ishlab chiqariladi.

TMZ mahsulotlari xaridorlari Oʻzbekiston, MDH davlatlari, Osiyo va Yevropadagi qurilish va metall savdosi bilan shug’ullanadigan kompaniyalari hisoblanadi.

TMZda Butunjahon qon donorlari kuniga bag’ishlangan “Qon topshir, hayotni asra!”

🩸TMZda Butunjahon qon donorlari kuniga bag’ishlangan “Qon topshir, hayotni asra!” aksiyasi o’tdi.
Respublika qon markazining sayyor brigadasi bilan birgalikda TMZ xodimlari aksiyada faol ishtirok etishdi.
 
Aksiyaning barcha ishtirokchilari o’zlarini yaxshi va tetik his qilishmoqda.
G‘amxo‘r xodimlar tufayli xayrli ish qilishga muvaffaq bo‘ldik.
Va siz bir kun kelib birovning hayotini asrab qolishingiz mumkin. Hozirgi kunda deyarli barchamiz buni uddalay olamiz.

“O‘zbekiston Respublikasi konchilik va metallurgiya sanoati xodimlari kuni” va “Xalqaro bolalarni himoya qilish kuni”

TMZ kasaba uyushmasi o‘zining ulkan oilasini “Anhor Lokomotiv” istirohat bog‘iga yig‘ib, kasb bayrami “O‘zbekiston Respublikasi konchilik va metallurgiya sanoati xodimlari kuni” va “Xalqaro bolalarni himoya qilish kuni”ni nishonladi.
Z.Tuychiev metallurglarning oilalariga ulkan baxt, quvonch va mehr-muhabbat, barcha bolajonlarga esa a’lo kayfiyat, quvnoq tabassum va beg‘ubor bolalikni tiladi.
Bolalarning “Aladdin” vokal shou guruhi o’zlarining maroqli chiqishlari bilan davrani “qizdirdi” va dillarga shodon kayfiyat baxsh etdi.
Animatorlarning quvnoq chiqishi ota-onalar va bolalar o’rtasida hissiyotlar to’lqinini jo’shqinlantirdi.
Maftunkor muhitda sovun pufagi shoulari, bayramona syurprizlar va jozibador fokuslar bolalarda unutilmas taassurot qoldirdi. Masxarabozlar va turli ertak qahramonlari bilan esdalik uchun yakuniy fotosurat esa bolalar xotirasida uzoq vaqt esda qoladi. Tadbir yakunida, ota-onalar va bolalar istirohat bog’i ko’ngilochar attaksionlariga bepul kirishga musharraf bo’lishdi.
Bolalarni himoya qilish kuni nafaqat qiziqarli bayram va ko’plab totuv oilalar istirohat bog’larda va sershovqin tadbirlarda to’planadigan kun, balki kattalarga jajji bolalarimizning farovonligi va baxti bizga bog’liqligini eslatuvchi yoqimli, sevimli bayramdir.

Bugun TMZ Islom Karimov nomidagi Toshkent davlat texnika universitetida (TDTU) “Karyera kuni”da ishtirok etdi.

Bugun TMZ Islom Karimov nomidagi Toshkent davlat texnika universitetida (TDTU) “Karyera kuni”da ishtirok etdi.
Korxonamizning HR departamenti vakillari o‘z atrofiga ko‘plab qiziqqon talabalarni to‘plashdi va ular barcha bo‘sh ish o‘rinlari, mehnat sharoitlari va xodimlarga qo‘yiladigan talablar haqida ma’lumot olishga muvaffaq bo‘lishdi.
Shuningdek, Karyera kuni arafasida TMZ vakillari Olmaliq shahridagi “MISIS” Milliy tadqiqot texnologik universitetiga tashrif buyurib, taqdimot o‘tkazishdi va talabalarning savollariga javob berishdi.
Bugungi kunda TMZ professional tajribaga ega bo’lish, o’sish va rivojlanish uchun ajoyib imkoniyatdir. Ijtimoiy paketlar va munosib ish haqi xodimlar uchun eng qulay ish sharoitlarini ta’minlaydi.
Mazkur tadbirlarni o‘tkazishdan asosiy maqsad Korxona va ta’lim oluvchi yoshlar o‘rtasida samarali hamkorlikni tashkil etishdan iborat. Bizning eshigimiz faol talabalarning yangi avlodlari bilan muloqot qilishga doimo ochiq.

“INNOPROM. Markaziy Osiyo 2023” ko’rgazmasi o’z nihoyasiga yetdi.

“INNOPROM. Markaziy Osiyo 2023” ko’rgazmasi o’z nihoyasiga yetdi.
Bu o’tgan kunlar ajoyib va mazmunga boy bo’ldi! Bu yerda barcha mehmonlar mahsulotlarimiz sifati, zamonaviy ishlab chiqarish texnologiyalari va istiqbolli ishlanmalar bilan batafsil tanishish imkoniyatiga musharraf bo’ldilar.
Muzokaralar mavzusi eksport ta’minoti masalalariga qaratildi va, albatta, yangi hamkorlik shartnomalari imzolandi.
Biz yana bir bor shunday ulkan va jozibador ko’rgazmada TMZni taqdim eta olish baxtiga muyassar bo’lganimizdan bag’oyat mamnunmiz. Kelgusi yil INNOPROM 2024 ko’rgazmasida ko’rishguncha👋🏻

Xalqaro mehnat tashkiloti (XMT)

Xalqaro mehnat tashkiloti (XMT)
28 aprel sanasini Butunjahon mehnatni muhofaza qilish kuni deb e’lon qildi. TMZ kollektiv jamoasi mehnat kunini keng ko’lamda nishonladi.
Mehnatni muhofaza qilish bo‘yicha vakillar o‘rtasida o‘tkazilgan “TMZda muvaffaqiyat va xavfsizlik” intellektual tanlovi Korxonada shikastlanishlar, kasbiy kasalliklarning rivojlanishi va nohush hodisalar sonini kamaytirishga qaratilgan bilimlarni mustahkamlashdi. Mehnat bayramiga bag‘ishlangan bolalar rasmlari ijodiy tanlovi esa TMZ xodimlari farzandlarining iqtidorini yorqin namoyon etdi.
Bugun tantanali ruhda o’tgan tadbirda tanlov g‘oliblari – mehnatni muhofaza qilish bo‘yicha vakillar guvohnoma, Fahriy yorliqlar va esdalik sovg‘alar bilan taqdirlandilar. Korxona rahbariyati ishtirokchilarni bilimlar sinovining a’lo darajadagi natijalari bilan tabriklashdi va shu erishgan muvaffaqiyat bilan cheklanib qolmasliklarini tilashdi. TMZ bolalari ham e’tibordan chetda qolmadi, yosh rassomlar ota-onalari orqali bundan keyin ham ijodiy muvaffaqiyatlar tilagi bilan Maqtov yorliqlar va sovg’alarni qabul qilib olishdi.
Ish joyidagi jarohatlar va nohush hodisalarga qarshi kurashish har bir xodimning vazifasidir. Biz faqatgina birgalikda barcha xavfsizlik qoidalariga rioya qiladigan va bir-birining sog’lig’i to’g’risida qayg’uradigan ish joylaridagi to’liq qulaylik, yoqimli mehnat muhiti va do’stona kollektiv jamoaga erisha olamiz.

TMZ turtkich tipdagi kimyoviy ishlov berish agregati uchastkasida yangi rekord o’rnatildi.

TMZ turtkich tipdagi kimyoviy ishlov berish agregati uchastkasida yangi rekord o’rnatildi.
 12.04.2023 sanasi kuni 4-sonli brigada (F.I.Sh.) o’rtacha sutkalik rejalashtirilgan me’yorda 600,0 tonnani va o’rtacha smenali ishlab chiqarishda 740 tonnani tashkil etadigan me’yorda 996 tonna kimyoviy ishlov berilgan metall ishlab chiqardi.
Bir necha kun o’tib 17.04.2023 sanasida Sh.A.Xolmurodov smena ustasi boshchiligidagi 1-sonli brigada bu rekordni yangiladi va yangisini o’rnatdi, u smenada 1005,8 tonna kimyoviy ishlov berilgan metall ishlab chiqardi.
Turtkich tipdagi kimyoviy ishlov berish agregati uchastkasining katta ustasi B.A. Oqilovning 4-sonli va 1-sonli brigadalarini  ishdagi yuksak ko‘rsatkichlari bilan tabriklaymiz va ezgu maqsad sari yo’lda omadlar, g’oya va rejalarni amalga oshirish uchun katta imkoniyatlar, xonadonlariga fayzu-baraka va oilaviy baxt tilab qolamiz!
Ishonchimiz komilki, bu rekordlar korxonaning barcha xodimlari uchun yorqin namuna bo’lib, YANGI yutuqlarga poydevor qo’yadi!
Doim muvaffaqiyat sari intilish, erishgan yutuqlarimiz bilan to’xtab qolmaslik, oldimizga ulkan maqsadlar qo‘yish va faqat yangi rekordlar tomon harakatlanish – bugungi kundagi bizning asosiy maqsadimizdir!

Tom – uyning eng muhim himoya elementi hisoblanadi, shuning uchun ham u xavfsiz va ishonchli bo’lishi kerak albatta.

Tom – uyning eng muhim himoya elementi hisoblanadi, shuning uchun ham u xavfsiz va ishonchli bo’lishi kerak albatta.
Toshkent metallurgiya zavodi Yangihayot tumani (Binokor mahallasi) 50-uyda istiqomad qiluvchilarga o‘z mahsulotlaridan tayyorlangan profnastilni bepulga berdi. Bu uyning avval yopilgan tomini kuchli shamol uchirib ketgan ekan.
TMZ ekspertlari uyning tomi yopilgan metallni (profnastil) tahlil qilishdi, uning rux qoplama massasi R 60 ega bo’lib qalinligi 0,32 mm ni tashkil etadi. Yupqa metall shamolning shiddatiga dosh bera olmagan va mahkamlagichlardan ajralib ketgan.
TMZ o’z mahsulotlaridan tayyorlangan profnastil sifatiga kafolat beradi, rux qoplamasining kamida R100 massaga ega 0,45 mm qalinlikdagi po’lat tunukalar barcha kerakli xususiyatlarga egadir va bu o’z navbatida yuqori sifatli profillash uchun zarur bo’lgan egiluvchanlik va og’ir ob-havo sharoitlarida shaklning o’zgarishiga qarshi chidamliligini kafolatlaydi. Metall tom yopish vositasini tanlayotganda, xaridor ishlab chiqaruvchini bilishi juda muhimdir. TMZ qurilish materiallari bozorida talabga ega bo’lgan po’lat tom yopish tunukasining xavfsizligini va ko’pga chidamliligini kafolatlaydi.

TMZ Kimyo Tоshkent xalqaro universiteti bilan Memorandum imzoladi.

TMZ Kimyo Tоshkent xalqaro universiteti bilan Memorandum imzoladi.
Memorandumga ko‘ra, OTM talabalari va bitiruvchilarini keyinchalik ishga joylashtirish imkoniyati bilan amaliyot va tajriba o‘tashga jalb etish, TMZ xodimlari uchun o’qishga kirishga, kechki va sirtqi shakldagi o’qish bo’yicha bo‘limlarga kvotalar va grantlar ajratishga kelishib oldik. Universitetning intellektual resurslaridan, korporativ muammolarni hal qilishda o’qituvchilarning tajribasidan foydalanish imkoniyatini beradi, tadqiqot va boshqa turdagi o’zaro qo’shma faoliyatga zamin yaratadi.
Shuningdek, ular bizga universitet va laboratoriyalar bo‘ylab ekskursiya uyushtirdilar, robototexnika, qurilish va mashinasozlik sohasidagi yutuqlari, talabalarning ilmiy ishlanmalari va tayyor loyihalarini namoyish etishdi.
Tashrif yakunlari bo‘yicha Korxonaning xodimlar bo‘yicha direktori B.Normatov va oliygoh rektori J.Kudaybergenov kelgusida hamkorlik qilish to‘g‘risida Memorandum imzolashdi.

TMZ hududida “Yashil maydon” loyihasi

Navro‘z bayrami arafasida va “Yashil maydon” loyihasi doirasida TMZ hududida zavodning umumxashari o‘tkazildi.
Rahbarlar boshchiligidagi barcha departamentlar va bo‘limlar xodimlari korxona hududni tozalab, daraxtlarni sug‘orib, manzarali, ko‘p yillik butalar ekishdi.
Bizning mehnat jamoamizni nafaqat ish jarayonlari, balki zavodimiz haqida qayg’urish ham birlashtirib turadi. Ekologik madaniyat ishlab chiqarishimizning muhim qismidir. Har bir TMZ xodimi tabiat bilan uyg’unlikda hamnafas bo’lish va unga mehnatini singdirishga o’z hissasini qo’shdi🌱